:تنبية: تمنع الاعلانات في المنتدى وسيتم حذف أي اعلان !
   آخر المساهمات
اليوم في 10:41 am
اليوم في 10:18 am
اليوم في 9:32 am
اليوم في 9:04 am
12/1/2016, 1:19 pm
12/1/2016, 12:56 pm
12/1/2016, 9:27 am

كيفية التسجيل من التلفزيون ورفعه لليوتيوب

إداري
البلـد/الاقامة : السعودية
مشاركات : 10156
الانتساب : 09/04/2010
معاينة صفحة البيانات الشخصي للعضو
    6/10/2010, 12:39 pm  
بنشرح لكم طريقة التسجيل من التلفزيون وبنشرح لكم الطريقة الإحترافيه


[ 1- 3 ]
ادوات التسجيل //


تختلف الادوات وقطع التسجيل
بعض الرسيفرات فيها هارديسك مدمج
وفيه بعضها ببرنامج على جهازك تقدر تسجل منها
وفيه قطع تسجيل تكون بين الكمبيوتر وبين الرسيفر

شرحنا بيكون عن طريق القطعه هذي ( Light Wave )



سعرها 120 ريال ( الكلام ذا له سنه )
يجي معها سي دي فيه البرنامج المخصص للتسجيل وراح اشرحه بالتفصيل



طبعا ماراح نحتاج الريموت

* ايضا راح يكون فيه شرح التسجيل عن طريق رسيفر ( دريم بوكس ) والبرنامج التابع له
---------------------------------------------------
بسم الله نبدأ
* اول شئ نثبت البرنامج ( موجود بالسي دي اللي معه )


اول مانشبك الاسلاك اللي طالعه من الرسيفر ( الاحمر والابيض و الاصفر ) بقطعه التسجيل
نشبك سلك USB بالكمبيوتر وسلك الصوت بمكان الصوت



طبعا نلاحظ ان فيه لمبه بتولع .. معناته وصل كويس بالكمبيوتر

بعدها نروح نشغل البرنامج اللي ثبتناه


نشغله بيفتح لنا كذا



قيقز اسطورة ويلز

وبيفتح مع الشاشة لوحة التحكم حقته



رقم 1 /
يبدأ التسجيل
رقم 2 /
عند ايقاف التسجيل مؤقتا ( مثلا .. ماتبي تدخل الدعايات بالتسجيل )
[ ماافضل انك تسخدمه .. لان البرنامج احيانا يعلق وينكبك .. وتقطيع الفديو بنشرح طريقته بالرد اللي جاي ]
رقم 3 /
الادوات ( لتعديل اعدادت التسجيل وجودة الصورة .. الخ بنشرحه بالتفصيل )
رقم 4 /
ياخذ صورة للمقطع
http://www.mal7aq.com/up//uploads/im...15050745e9.bmp
سوبر تيتي

---------------------------
الحين بعد ماتعرفنا على البرنامج وكيف تشغيله .. نجي لكيف نضبط اعداداته



نضغط على الرقم 3

اضغط على Video Setting




رقم 1 /
هذولي تتحكم بألوان الشاشه
( يفضل انك تضغط على كلمة Default اللي فوقها وهو يسويها تلقائيا )

رقم 2 /
هذي نظام الشاشة اللي عندك ( PAL - NTC ..الخ )
( احيانا اول مره تشغله بيطلع لك اسود وابيض .. او تشويش .. انت اختر من القائمة لين يطلع لك الصورة الممتازة )

بعدها نروح للي جنبه Record Setting




رقم 1 /
نظام التسجيل وجوده الصورة ( انا اخترت DVD افضل دقة )

رقم 2 /
تختار افضل دقة وحجم الشاشة ودقة الصورة

رقم 3 /
مكان حفظ الفديو والصورة
( يفضل انك تحط لك مجلد مخصص عشان ماتضيع الفديو )

هذولي اهم شئ .. نضغط بعدها على OK .. عشان يحفظ الاعدادات اللي سويناها

---------------------------
طريقة التسجيل للي عنده ( دريم بوكس )
* تأكد ان سلك الشبكة مشبوك بالكمبيوتر
او على المودم ( لازم الكمبيوتر والدريم بوكس مشبوكين بالمودم )

فيه اكثر من برنامج .. اللي استخدمه انا عيبه انك ماتشوف اللي قاعد تسجله
وفيه برنامج ثاني لكن مشكلته تعليقاته كثيره ( يمكن البلا من جهازي )
لكن ميزته انك تقدر تغير القناة وتشوفها من كمبيوترك .. وتختار وقت للتسجيل بعد
ابشرح كل الاثنين ان شاء الله

بالبداية لازم تعرف اي بي الدريم بوكس حقك
الطريقة كالتالي //

اقتباس:

من الزر menu


ادخل على set up واضغط ok
ثم ادخل على expert set up
او قائمة اعدادات الخبراء واضغط ok
شاهد الصوره







بعده ادخل على comunication set up
او اعدادت الاتصال واضغط ok
سوف تشاهد بعدها ايبى الدريم بوكس
شاهد الصوره




البرنامج الاول ( WinGrab )

اضغط هنا لتحميل ( حجمه 550 كيلو بايت )

مايحتاج تثبيت .. على طول نفتح البرنامج



اختر زي ماخترت انا



حط الاي بي حق الدريم بوكس حقك وبعدها نضغط نكست



1 / مكان حفظ الملف واسم الملف ( هو عاده يحفظ بصيغه m2p .. موب مشكلة صيغته لانه بنحفظه بصيغه وحجم اصغر بعد شوي ببرنامج المونتاج .. لاتستعجل)

2 / اذا تبيه يقطع الملف بعد حجم معين ( مثلا انا حاط اذا وصل حجم الملف 779 ميجا يقطع الملف ويبدا يسجل بملف ثاني وهكذا )
طبعا هالميزة تفكك من تعليق الجهاز ببرنامج المونتاج بسبب حجم الفديو
طبعا من سلبيات هالبرنامج ان حجم الفديو يكون كبير
( هذي ضريبه الجودة والدقة الممتازة )



هذا مؤقت للتسجيل
( طبعا الوقت 24 ساعه .. اذا تبي الساعه 9 بليل مثلا تكتب 21:00 )
( الصراحه ماقد استعملته .. بس من باب اللقافه رحت اجربه بشوف هو يضبط ولا لا.. لكن مانصح فيه والسبب بعد شوي )


لاحظ اللي عليه احمر .. مكتوب 0 .. معناته مايسجل !
الحل :
عد الدريم بوكس - قفل البرنامج وافتحه من جديد
تأكد ان الدريم بوكس والكمبيوتر موصلين بالمودم



هنا معناته يسجل طبيعي وماشي صح
( عشان كذا يفضل انك تمر عليه كل شوي تشوف هو ماشي مضبوط ولا لا )



--------------
البرنامج الثاني /



للتحميل اضغط هنا ( حجمه 7 ميجا )

اول ماتفتحه بيطلب منك الاي بي وتحته اليوزر والباسورد
( المكتوب هو الافتراضي .. لكن احيانا اللي باعك الدريم بوكس يغيره .. جرب اذا ماضبط ارجع للي شريت منه او اللي حط لك اشتراك دريم بوكس )

هذي واجهة البرنامج



1 / اقسام القنوات ( ان كانت مرتبه عندك )
2 / القنوات
3 / الاعدادات
4 / مؤقت التسجيل
5 / يبدا يسجل
6 / يوقف التسجيل
7 / يغير طريقة العرض

الاعدادات //



1 / مكان التسجيل
2 / المكان ( C او D او F .. الخ ) اذا كنت مقسم الهارديسك الى أكثر من قسم
3 / تغيير اللون الحلو للبرنامج


.. وقضينا 1-3 ...
إداري
البلـد/الاقامة : السعودية
مشاركات : 10156
الانتساب : 09/04/2010
معاينة صفحة البيانات الشخصي للعضو
    6/10/2010, 12:48 pm  
نبدا 2 -3

(( المونتاج ))
البرنامج المستخدم Sony Vegas

اضغط هنا لتحميل البرنامج مع الكي جن ( حجمه 136 ميجا )
شرح فديو ( حجمه ميجا واحد )
( نسخه 8.0 ماتفرق واجد عن 7.0 )

هذي واجهة البرنامج



اللي يهمنا بأول مرة هالايقونه

وبعدين نحط زي اللي بالصورة ذي



طبعا البرنامج شنيع .. زيه زي الفوتوشوب .. فيه حركات وبربسه كثيييره .. مع الوقت تتعلم الكثير فيه !

اللي يهمنا الحين 3 اشياء //
- كيف نجزأ الفديو الى اجزاء
- كيف نكتب على المقطع
- كيف نحفظ بصيغه معينه

- كيف نجزأ الفديو :
نضغط بالماوس على المكان اللي نبدا نقصه .. نضغط من الكيبورد على حرف S
ونروح لاخر مكان نبي نقصه وبرضوا نضغط على حرف S من الكيبورد
ونضغط على اللي قصيناه وبعده من الكيبورد Delete
ونرجع نسحب المقطع الثاني ( لانه بيصير فراغ بينهم ) ونلزقه بالاول
ونضغط على اللي يشوف ونتابع اذا المقطع مضبوط ولالا


- الكتابه على الفديو بتكون بها الطريقة


وبعدين



ننسق الخط ونحرص ان الخط مايكون كبير مررة عشان مايخرب على الفديو

- حفظ الفديو :



وبعدين نختار wmv



وبعدين هو بيقعد يحفظ



* طبعا حنا راح نرفع الفديو الى اليوتيوب .. وللتنبيه اليوتيوب مايقبل اكثر من 10 دقايق
تأكد انك تجزأ الفديو الى اجزاء تكون 9 دقايق على الاكثر !


قضينا 2-3
إداري
البلـد/الاقامة : السعودية
مشاركات : 10156
الانتساب : 09/04/2010
معاينة صفحة البيانات الشخصي للعضو
    6/10/2010, 12:52 pm  
3-3


رفع المقطع باليوتيوب //

بعد مانسجل دخول
نروح على اليمين ونضغط زي اللي بالصورة ذي


بعدها نضغط على Upload Video



ونختار ملف الفديو اللي حفظناه ( طبعا لاتنسى ان الفديو يكون 9 دقايق كـ حد اقصى ! )

بيجينا هالشكل



1 /
شريط التحميل .. ويعلمك كم باقي ويحمل المقطع

2 / عنوان المقطع

3 / شرح وشو هالمقطع

4 / الكلمات الافتتاحيه .. زي مثلا لو بتحط مقطع عن طاش ماطاش
تكتب كذا :
طاش ما طاش 16 عبدالله السدحان ناصر القصبي الحلقة الاولى
بمعنى كلمات تدل على المقطع هذا

5 / القسم

6 / تبغى الفديو يطلع للكل ( تختار الاولى ) اما الثانيه فهي برايفت يعني خاصه للي تختارهم

نجي للاقسام /




طبعا تختار القسم اللي يصلح للمقطع حقك

* للمعلومية تقدر ترفع 10 مقاطع فديو مره واحده !
* العاده ان الحلقة ماتاخذ اكثر من 4 اجزاء .. كل جزء 8 او 9 دقايق .. احيانا الجزء الاخير يكون 4 دقايق

اي سؤال او استفسار تحت امركم
مؤسس المنتدى
البلـد/الاقامة : الكويت
مشاركات : 13865
الانتساب : 21/03/2010
معاينة صفحة البيانات الشخصي للعضو
    6/11/2010, 12:13 am  
كفو والله بارك الله فيك

احيي جهودك بطرح هذا الموضوع المهم والمفيد

يعطيك الف عافيه
إداري
البلـد/الاقامة : السعودية
مشاركات : 10156
الانتساب : 09/04/2010
معاينة صفحة البيانات الشخصي للعضو
    6/12/2010, 1:26 am  
افا اخي دارك لجل عين تكرم مدينه والله عشان حضرتك كل هذي الجهود


مشكور اخي ع مرورك

كيفية التسجيل من التلفزيون ورفعه لليوتيوب

استعرض الموضوع السابق استعرض الموضوع التالي الرجوع الى أعلى الصفحة

صفحة 1 من اصل 1
منتديات حوف نت :: حوف نت للـتــقـنـيــة :: مـنتــدى الـتقـنيـة الـعــام

حفظ البيانات | نسيت كلمة السر؟